القائمة

الاثنين، أبريل 09، 2012

كلمات رودى بعد 20 يوم

اغنية رائعة بالرغم من المأساة التى تتناولها


سافر الحبيب إلى الخارج ليجهز نفسه للزواج من حبيبة قلبة ،وكانت دائما يتصل بيها وكانت توصفه بالملاك فقد كان مسامح ومن اجلها اتغرب وكان يبشرها بأنه راجع لها تانى ومش بيتهرب وكان نفسه بيحلم يبوس ايدها  ،بإذن الله راجع ليها ،لكن القدر جعله يرجع لها فى تا بوت بعد اصيب فى حادث بعد حضورة من المطار 
شوفوا الاغنية واستمتعوا بلون جديد  



كان بيحبنى وبيخاف علي
كنت بحس بيه وبيحس بيا
كان جواه ملاك بيسامح وينسى
عمرى ما شفت زيه
عمره ماكان بيقسى
عشانى سابنى واتغرب
وقاللى يومين وهنقرب

راجعلك تانى مش بهرب
ده انا بحلم ابوس فيكى
ومهما جرالى هتحمل
هدوس ع الصعب وهكمل
ولو بعدى كمان طول
باذن الله راجع ليكى
وكان دايما بيكتبلى وبيطمنى عامل ايه
وكل جواب بيوصلى أشوف دمعه معلم فيه

احس بجرحه من جوه وباللى انا فيه انا وهوه
اقول ياربى وادعيله فى بعدك دنيا ما بتسوى
تمر ايام وراها سنين وقلبى عليه بجد جزين
اصبر روحى واستناه واعيش بدموع نار وحنين
وبعد عذاب ياناس وهموم باعتلى وقالى واحشانى
راجعلك بعد 20 يوم وهبدأ بيكى من تانى
بقيت من شوقى بندهله ونفسى صوتى يوصله

لبست عروسة م الفرحة روحت استنى واقابله
لقيت صندوق وصورته عليه وناس شايلينه وجايين بيه
قالولى البقاء لله راح اللى انتى بتستنيه
عشانى سابنى واتغرب
وقاللى يومين وهنقرب
راجعلك تانى مش بهرب

ده انا بحلم ابوس فيكى
ومهما جرالى هتحمل
هدوس ع الصعب وهكمل
ولو بعدى كمان طول
باذن الله راجع ليكى
 

هناك تعليق واحد:

  1. دى اخرت الى يسافر برا مصر بس انا حزينه الى اتحملتو رودى من حبيبها علشان اتغرب عنها سنين ملحوظة ما اسم حبيبها حقيقى

    ردحذف