القائمة

الخميس، يناير 13، 2011

مظاهرة أمام الشبان المسلمين بطنطا

اكثر من 500طالب وموظف وولى أمر أمام الشبان المسلمين
بالروح والدم نفديكى يا شبان


تظاهر اكثر من 500طالب وموظف وولى أمر أمام الشبان المسلمين بطنطا لرفضهم نقل مدرستهم التربية الإسلامية  إلى أي مكان آخر وضم مبنى المدرسة وجمعية الشبان المسلمين لمستشفى 75375  لأورام الأطفال التي يتم إنشاؤها بمستشفى الهلال بطنطا

واختلطت دموع الأطفال بزئير أصوات العاملين بالمدرسة وأولياء أمورهم وهتفوا مش ح نسلم مش ح نبيع مش ح نوافق على التبديل بالروح والدم نفديكى يا شبان ـ مش طالعين م الشبان حتى لو هدوا علينا الجدران
وحمل الأطفال والعاملين لافتات كتبوا عليها لا للنقل والهدم نعم لبناء الأجيال ـ لا للمساس بالشبان المسلمين ـ لا لتشريد طلاب المدرسة ـ ساعدونا في إنقاذ التربية الإسلامية
على الفور حضر اللواء مصطفى بدر السكرتير المساعد لمحافظة الغربية والدكتور محمود عمارة رئيس مركز ومدينة طنطا وسعد منصور مستشار محافظ الغربية للضمان الأجتماعى
والدكتور رياض المنشاوى رئيس مجلس إدارة الشبان المسلمين بطنطا التابع لها مدرسة التربية الإسلامية
وقال محمد الزرقا عضو مجلس الإدارة بأن المجلس منقسم فيما بينهم على قرار تسليم المدرسة ومبنى الشبان المسلمين لمستشفى 75375 واستبدالها بمكان لآخر فى قرية سبرباى بمحطة الدواجن التى سيتم إقامة موقف سيارات طنطا به
وقال كيف يتم نقل الشبان المسلمين إلى منطقة خارج طنطا وتشريد طلاب المدرسة خلال فترة البناء بعد أن يتم نقلهم بصفة مؤقتة إلى مدرسة الأحمدية الثانوية التي لا تصلح للطلاب الأطفال  لفارق السن الكبير بين الطلبة الاحمدية والتربية الإسلامية وعدم ملاءمة المقاعد والفصول لهم
 وقال الدكتور رياض المنشاوى للمتجمهرين من أولياء الأمور لم نصل إلى قرار بعد بشأن نقل المدرسة واستبدالها بأرض أخرى في محطة الدواجن بسبرباى  ولنت يكون القرار قراي بل سيكون قرار الجمعية العمومية وأولياء الأمور على الاستبدال ولن أضحى بسمعتي وتاريخي فقد حاربت الفساد وأنا عميد كلية التربية وجنية ثمارها بإبعادي عن العمادة فكيف أوافق على القرار لوحدى فالقرار سيكون قراركم ولو رفضتم المقترح سأكون أول المدافعين عن عدم نقل جمعية الشبان المسلمين ومرافقها من مدرسة وحضانتين بهم 1250طتاب وطالبة ومئات من الرياضيين التابعين لجمعية الشبان المسلمين
درياض المنشاوى يهدأ من روعة المحتجيين
ولم نفلح المحاولات بالتهدئة وظل العاملين وأولياء الأمور والطلبة يهتفون خارج غرفة مجلس الإدارة إثناء اجتماعهم مع السكرتير العام ورئيس مجلس مدينة طنطا  وتمكنوا من فتح باب غرفة مجلس الإدارة عليهم مما تطلب خروج الدكتور رياض المنشاوى لهم مرة ثانية لتهدئتهم وانه في صفهم والقرار قرار الجمعية العمومية للشبان المسلمين وأولياء أمور مدرسة التربية الإسلامية
تغطية بالصور والفديوهات عن الواقعة 




























تصريح رئيس مجلس الادارة الدكتور رياض المنشاوى
 محمد الزرقا عضو مجلس الادارة 
 
مظاهرة اطفال الابتدائى 2kg  1kg

                        
 

حديث خاص لمدونة يا مصر قومى ننفرد به للدكتور رياض المنشاوى رئيس مجلس إدارة الشبان المسلمين يشرح رؤية مجلس الأدارة وأسلوب التفاوض لتحقيق أكبر عائد لصالح الشبان المسلمين  ويؤكد أن الحق الأصيل فى الموافقة من عدمة للجمعية العمومية صاحبة الرأى الأول والأخير فى نقل الشبان المسلمين من مكانها 
حديث مهم لا زم تشوف الحقبقة
 
 




هناك 11 تعليقًا:

  1. الادارة الضعيفى هى السبب فى كل الملام دة
    فين ايام الادارات الثانية هى الى بتقوم قومة واحدة و هى الى بتتصدى للمواضيع دى الكلام دة كبير على الادارة و لازم الادارة تمشى علشان دول مش بيعملو حاجة غير الكلام

    ردحذف
  2. بيتى وبيقول بيته حسبى الله ونعم الوكيل

    ردحذف
  3. دعوات 250 عامل ومعلم وموظف اكيد ربنا سبحانه وتعالى سامع ومطلع انه السميع العليم

    ردحذف
  4. نناشد السيدة سوزان مبارك بالنظر الى هؤلاء العاملين

    ردحذف
  5. بسؤال مدير عام الشبان المسلمين بطنطا الكابتن صهيب مصطفى كمال اكد ان كل ه\ه الامور مجرد مقترحاط من قبل مسئولين ولا يستطيع احد الرد عليها الا من خلال جمعية عمومية غير عادية ولكن يجب على الادارة الدخول فى مفاوضات جيدة ومظبوطة لكى يتسنى لها ان تعرض على الجمعية العمومية كل المفاوضات بمنتهى الامانة والشفافية

    ردحذف
  6. ربنايكون فى عونك يادكتور رياض والله انا مش عارف هتلقيها من اعضاء مجلس ادارة بيعترضوا لمجرد المعارضه من غير مايكون يهمهم مصلحة المكان وكل اللى يهمهم منصب كل واحد فيهم ايه وهيعرف ياخد ايه ولا موظفين بيصنعوا الاشاعه ويصدقوها وبيحرضهم واحد كل اللى يهمه انه يرجع تانى رئيس مجلس ادارة علشان يعرف يسرق برحته تصدق انت خساره فى المكان ده

    ردحذف
  7. طبعا كلام الشخص اللى قبلى بيقول ان رؤساء مجلس الاداره كل اللى يهمهم السرقه من وراء منصبهم وده طبعا تلميح مش حلو في حق الدكتور اللى بيدافع عنه خاصةأنه فى بداية تفويض الدكتور قالها بعلو صوته انا مش هرشح نفسى انا مش محتاجلها تفتكر غير رأيه ليه......... كان الله فى عونك وعونه وعجبى.............

    ردحذف
  8. اللى مايعرفش يشتغل للشبان وهو فى وسط الملاين ما يعرفش يعمل لها حاجة وهو فى محلة منوف يا جميل أحلام العصافير حمام سباحة وفندق رياضى الكلام يضحك ليه استلم رئيس المجلس للمدرسة فيها ثلاث ودائع وايردات من النشاط الرياضى والاتوبيسات اللى لجد دلوقت ماحدش عارف اتوبيس منهم راح فين منذ قاموا بمحاولة تجديدهمن ثلاثة سنوات لاعاد فبه ودائع وايرادات اتوبيسات البركة فى صاحب المعلى الدكتور رياض

    ردحذف
  9. اللى مايعرفش يشتغل للشبان وهو فى وسط الملاين ما يعرفش يعمل لها حاجة وهو فى محلة منوف يا جميل أحلام العصافير حمام سباحة وفندق رياضى الكلام يضحك ليه استلم رئيس المجلس للمدرسة فيها ثلاث ودائع وايردات من النشاط الرياضى والاتوبيسات اللى لجد دلوقت ماحدش عارف اتوبيس منهم راح فين منذ قاموا بمحاولة تجديدهمن ثلاثة سنوات لاعاد فبه ودائع وايرادات اتوبيسات البركة فى صاحب المعلى الدكتور رياض

    ردحذف
  10. المدرسة بتحقق ايرادات مايقرب من 2ملين جنيه فى عام2009/2010 لو اتنقلت لن تحقق جنيه واحد لان التلميذاللى فى الحضانة عنده 3سنوات ونصف يعنى حضانة المدرسة وحضانة الشئون لن يجدا اى تلميذ يدخلهمغير ولى الامر فى المدرسةلن يتحمل مزيد من الأعباء المالية فى مصروفات ونقل ابنهم كفاية أحلام يا صاحب المعالى واللى عايز يعمل كان عمل من أول ما قعد على الكرسى مش مستنىالمحافظ يعمله عويل الصيف عويل الشتاء عويل العمر كله

    ردحذف
  11. انا ولية امر طالبين بالمدرسة اللى مش قادرة افهمة ازاى مستشفى سرطان اطفال تكون فى مكان زى دة حولين مدرسة الشبان المسلمين اكثر من مدرسة ابتدائى واعدادى وثانوى يعنى الاجهزة اللى هتكون فى مستشفى الهلال مش هطلع اشعاع واشعاع قوى كمان دة مش بس هياثر فى مدرسة الشبان ولكن على جميع الطلاب اللى هيكونوا فى المنطقة والموسسات الحكومية والمساكن اللى حولين المستشفى المفروض المستشفى هيا اللى تتنقل سبرباى علشان المكان هناك مفهوش عددكبير من السكان كما هو الحال حول مدرسة الشبان المفروض ومن باب اولى ان المستشفى هى اللى تتنقل من المكان بالكامل وتتعمل فى سبرباى

    ردحذف