السبت، مارس 26، 2011

معاً لإقالة هالة أحمد فؤاد


دعوة إقالة هالة أحمد فؤاد .وخلاف بين الطلبة على الفيس بوك

ينظم طلاب جامعة طنطا غدا مظاهرة حاشده أمام مبنى الجامعة للمطالبة بإقالة الدكتورة هالة فؤاد رئيس جامعة طنطا وسط خلافات بين الطلاب على المظاهرة مابين معارض لها ومؤيد لها ودسن طلاب الجامعة جروب على الفيس بوك يدعوا لإقالة رئيس الجامعة نحت عنوان معاً لإقالة هالة أحمد فؤاد .. عضو لجنة السياسات بالحزب الوطني وأوضحوا فيه مبررات الإقالة كل طلاب جامعة طنطا مطلبهم الأول هو إقالة رئيس الجامعة هالة أحمد فؤاد عضو لجنة السياسات بالحزب الوطني واللي جايه ترأس الجامعة بناءً على قرار سوزان مبارك .
 
هالة احمد فؤاد جزء من النظام الفاسد اللي رحل ولازم ترحل معاه لأنها شاركت فى كل الفساد اللي تسبب فيه النظام في التعليم الجامعي والتعليم العالي .
اعتصامنا مستمر بداية من يوم الأحد 27مارس امام مبنى الإدارة لجامعة طنطا بشارع البحر الساعة 12 ظهرا ولحد الساعة 4 عصرا
 
ومطالبنا مش بس إقالة هالة أحمد فؤاد ، بل إقالة عمداء الكليات كمان وميتعينوش بل يتم انتخابهم .
 
وتغيير اللائحة الطلابية .
ومطالب طلاب الجامعة ككل ، لازم تنفذ لأن التعليم هو أهم حاجه في اى دولة عاو زه تصلح نفسها ، وإحنا الشباب اللي زى ما قررنا إننا ننظف بلدنا من النظام الفاسد كمان قررنا ننهض ببلدنا بتعليم كويس ونضيف .
وبالرغم من النقد اللاذع لرئيس الجامعة إلا أن البعض حاول من خلال الجروب الدفاع عنها ليكشف الصراع الدائر ما بين مؤيد وما بين معارض للفكرة وقال عماد عزام
عاوز اسال سؤال محدد ليه عاوزين اقاله د.هاله
هل لأنها احدي بقايا الحزب الواطي؟
اما هيا فاسدة وتضرر التعليم الجامعي؟
طب هيا لو احدي بقايا النظام القديم هل كل النظام القديم كل فاسد ولا كان في ناس شرفاء .
...
ثانيا لوهيا ضرر علي الجامعة ورئيسه جامعه فاسدة ما هيا مداولاتكم ومستنداتكم اللي بنيت عليها المطالب وأخير عشان محدش يفكر أني داخل افسد شئ عليكم سنكون موجود في اعتصامكم ونرصد ما يحدث في الشارع إمام إدارة الجامعة
ودافع عنها إيهاب النجار يا جماعه انا مش معاكم نهائي .....أصلها مش هيصه....وموضوع إقالة عمداء الكليات....... طب أنا في صيدله طنطا ها تولى طالب في صيدله طنطا يطالب بإقالة الدكتور/مختار مبروك عميد كليه صيدله طنطا .... أحسن حد مسك المايك وتكلم وشرح......ولو حد نفسه يعمل زى استطلاع رأى على كدا يتأكد بنفسه.......والدكتورة هاله فؤاد كل إلى سمعته عنها إنها عندها جدول أعمال جيد جدا لتطوير الكليات من ناس قعدت معها شخصيا ....رجاء يا جماعه تحققوا من مصادر معلوماتكم

وقال سمير حمودة من قال أنها عضو لجنة السياسات بالحزب الوطني .... الدكتورة هالة اجتمعنا معها - نحن معيدي ومدرسي مساعدي جامعة طنطا - وسألها مدرس مساعد زميل من كلية الهندسة مباشرة هذا السؤال .... فردت أنها لم يكن لها أي عضوية بالحزب الوطني ولم تنتمي إليه يوماً من الأيام .... ولو كان لها لما نكرة ... فهذا ليس من طبعها التراجع عن موقفها .... أنا شخصياً أصدقها ... وعلى من يدعى عكس ذلك أن يأتي ببينة ... ولا يعبئ الجهود من أجل شائعة ... مجرد شائعة !!!!! هذا رأيي ولابد أن أقوله لأني شهدت الواقعة بنفسي ......
ورد عليهم المؤيدين للتظاهر بهجوم وتأكيد على إقامتها فى موعدها ولا عودة إلا بإقالة رئيس جامعة طنطا

ليست هناك تعليقات:

إرسال تعليق

حدث خطأ في هذه الأداة