القائمة

الجمعة، ديسمبر 24، 2010

رائعة نجيب سرور ياما بناديلك

  رائعة نجيب سرور ياما بناديلك

 يمه بناديل
قيدي قناديلك
لمي مناديلك
و الله لغنيلك
أحلى كلام ينقال
...و أخضر الغيطان
و أنقش ع الحيطان
عيدان يا نخل عيدان
ولكل زرع أوان
ما بين جرس و أدان
الصبر يا فرسان
والمهره للخيال

يمه بناديلك قيدي قناديلك
و أزوقك جنه
بالورد و الحنه
ويا قصعه يا مشنه
يا مناوله للبنا
الهمه يا أبطال
يمه بناديلك قيدي قناديلك
يا أم الأيدين الشهد
متودكه ف الصهد
البحر جزر ومد
والله ما زيك حد
يمه يا رب رجال
يمه بناديلك قيدي قناديلك
يمو العجين خمران
خمران بقاله زمان
بينادي ع الفران
يا معلمه الإنسان
بالغنوه و الموال
يمه بناديلك قيدي قناديلك
يمو البساط ممدود
و الجوده بالموجود
لو حتى مش بدود
على القانون و العود
و لا فتة البطال
يمه بناديلك قيدي قناديلك
يمه في ساعة الجد
يبقى الوعيد و الوعد
فداكي أب و ولد
لو حتى حيلي إنهد
عنك و أنا الشيال
يمه بناديلك قيدي قناديلك
يا فلاحين يا جنود
يا شغالين يا أسود
يا مثقفين يا بنود
سيجال يا حرب سيجال
يمه بناديلك قيدي قناديلك
يا مه يا أكرم أم
ياما نزفت الدم
يا شايله عنا الهم
لما الصفوف تتلم
حط اليهود ف شوال
يمه بناديلك قيدي قناديلك
أكمو كام إتفاق
و ليلى فين ف العراق
و لا في واق الواق
طبيبها هوه النضال

يمه بناديلك قيدي قناديلك

طب يبقى ليه الخناق

يارفاقه ليه الفراق

بينا و أهل النفاق

عاملينها فتة رقاق

ملفوفه طرحه و شال
يمه بناديلك قيدي قناديلك

لموا الصفوف لموا

و ع الغنى إتلموا

هموا بقى هموا

قولو معانا إمال

يمه بناديلك قيدي قناديلك

لمي مناديلك

و الله لغنيلك

أحلى كلام ينقال
*************فيديو*****************

هناك تعليق واحد:

  1. عزيزة البالولي24 ديسمبر 2010 في 12:44 م

    قصيدة رائعة ، قوية ، شاملة
    تقديري

    ردحذف